KIROL-IHARDUERAK

TXIRRINDULARITZA:

Elkartearen iharduera nagusia txirrindularitza-saila da. Elkartea sortu eta handik urtebetera osatu zen, 1982ko udaberri-udan. Sail honetako ahalmen ekonomikoaren arabera, kadete, jubenil eta afizionatu mailetan lan egin da (azken honetan beste elkarte batzuekin elkarlanean arituz). Hamasei urte hauetan asko izan dira eskolako txirrindulariek lortu dituzten garaipenak, eta baita izandako pasadizuak ere: Andoni Imaz futbolariak lortu zuen Irrintzi Txirrindularitza-eskolarako lehen garaipena; Ainhoa Ostolazak Munduko Txapelketa batean emakumezko mailan lehen garaipena lortu zuen Espainirako; txirrindulari profesionala izan zen Xabier Usabiaga eta Afizionatu mailan Euskadiko Txapelduna izan zen Imanol Galarraga Irrintzi eskolan hasi zuten bere kirol ibilbidea.

Sail honek beti txirrindularitzaren sustapena izan du helburu, hau da, haur-kategoria ezberdinen sustapena: benjaminak, alebinak eta infantilak.

ARETO-FUTBOLA:

1981ean eta herriko BEHAR-ZANA Elkartearen erreleboa hartuz, kirol honetako zale ziren bazkide batzuk Villabonako Areto-futbolaren Txapelkelketa antolatu zuten 1981etik 1985ra, arrakasta handia lortuz.

ZIKLOTURISMOA:

1997an beste sail berri bat sortu zen Elkartean, Zikloturismoarena eta urte berean maiatzean VILLABONAKO I. ZIKLOTURISTEN IBILBIDEA burutu zen.

TXIRRINDULARITZARI BURUZKO IHARDUNALDIAK:

1995ean txirrindularitzarekin zerikusia duten gaien inguruan hitzaldi batzuk antolatzea pentsatu zen, horrela Txirrindularitzari buruzko Ihardualdiak sortuz. Iharduera ezaberdinak honakoak izan ziren: 95-10-30 ABENTURA ( Juan Carlos Nájera eta gonbidatu bezala, Josu Iztueta eta Angel Ortiz etorri ziren). 95-10-31 GAZETARITZA (Benito Urrraburu -D.V.-, Tito irazusta -Cope-, Dani Egaña -Herri Irratia-, Aitor Garmendia -Banesto-, Iñigo-Polti- eta Jon Odriozola -Gewis-). 95-11-02 DIAPOSITIBEN EMANALDIA ( Rafa Gómez -Bicisport Bike-). FONDOKO-BTT TXIRRINDULARITZA (Gonbidatu bezala: Joseba Ovando -BTTko Espainiako Txapelduna-, Juan Carlos Garro -MTB Espainiako Itzuliko liderra-, Jokin Mujika -Ciclo-Croseko Espainiako Txapelduna eta rutako profesional ohia- eta Andoni Olaberria -MTBko Espainiako Txapelduna 94an-). 95-11-03 PRESTAKUNTZA FISIKOA ETA MEDIKUNTZA (Iñaki Arratibel -Kirol medikuntzako sendagilea-, Txema Agirre -ONCEko masjista-). 95-11-14 TALDEETAKO ZUZENDARIAK, Juan Fernandez -Mapei-, José Luis Laca -Euskadi- eta José Luis -Banesto-. Mekanikari buruzko ikastaro teoriko-praktikoa ere izan zen Francis Navarroren eskutik.

1996an:

MIGUEL INDURAINi buruzko argazki-erakusketa, Desiderio Mondeloren eskutik (EFE agentzia). 96-11-04 PRENTSA TXIRRINDULARITZAN (Bicisport, Ciclismo a Fondo, Solo Bici, Mikel Zarralibia -ONCE- eta David Etxeberria -ONCE-). 96-11-05 DIAPOSITIBEN EMANALDIA. (Rafa Gómez -Bicisport- eta Txemin Llanos -Ciclismo a fondo-. Gonbidatuak: Iñaki Lopetegi -Megabideo-, Iñigo -Polti-, José Luis Arrieta -Banesto-). 96-11-06 DONOSTIAKO 1997KO MUNDUKO TXAPELKETA (David García -Euskadi-, Aitor Garmendia -ONCE-, Javier Minguez, Juan Fernández -Mapei-, Jaime Ugarte -FVCko lehendakaria-, Ramón Mendiburu -Unipublic-).96-11-07 MEDIKUNTZA ETA PRESTAKUNTZA ( Abraham Olano -Mapei-, Miguel Morras -Once-, Iñaki Arratibel -Banesto-, Ainhoa Artolazabal, Eduardo Chozas -profesional ohia- eta Tito Irazusta -Cope-.) 96-11-08 MOUNTAIN BIKE (Roberto Lezaun -Orbea-, Jokin Mujika -Orbea-, Joseba Ovando, Andoni Olaberria -Orbea-, Francis Navarro -Solo bici- eta Carlos Hernandez -OTTeko hautatzaile nazionala-).

97-11-03 TXOMIN PERURENARI BURUZKO ARGAZKI-ERAKUSKETA.

HITZALDIA. TOURRARI BURUZKO DIAPOSITIBEN EMANALDIA

(Rafa Gómez -Bicisport-. Gonbidatuak: José Luis Arrieta -Banesto-, Igor González Galdeano -Euskadi-,
Rafa Olarra -Cope-). 97-11-04 PRENTSA TXIRRINDULARITZAN EITBren eskutik Bideo Montaia. (Gonbidatuak: Marino Lejarreta -ETB-, Fermin Aramendi -ETB-, Fernando Lopetegi -ETB-, Jon Odriozola -Banesto-, Luis Irrigarri -Arbitroen Kolegioko Lehendakaria- Dani Egaña -Herri Irratia-). 97-11-05 AFIZIONATUEN SALTOA PROFESIONALETARA (Gonbidatuak: Julián Gorospe, Manolo Azkona -ACR-, Joseba Gamboa -Euskadiko Lehendakaria-, Pedro Horrillo -Baque-, Haimar Zubeldia -Olarra-). 97-11-06 MUNDUKO TXAPELKETA DONOSTIAN (Gonbidatuak: Abraham Olano -Banesto-, David Etxeberria -Once-, Minguez -Vitalicio-, Jaime Ugarte, Ramón Mendiburu -UCI-, Tito Irazusta).
97-11-07 TXOMIN PERURENARI OMENALDIA: DOKUMENTALA ETBren eskutik. Taldeko lagun-ohien eta zuzendarien aurkezpena. Gonbidatuak: Chico Pérez -Bicisport-, B.Urralburu -DV-, Javier Arés -Ser-, Josu Garci -Marca-, Fermin Aramendi -ETB-, González Linares -Ser-, Tito Irazusta -Cope-, Pedro Delgado -RTVE-, Iñaki Sagastume -Herri Irratia-).

Elkartearen urtemuga zela-eta, 1996ko irailean (festa iraileko bigarren laraunbatean ospatzen da) iharduera osagarri bezala Produktu Gastronomikoen Lehenengo Azoka Berezia antolatu zen. Aurten 3. Edizioa antolatu da. Azoka honetara Errioxako, Bizkaiko, Arabako, Nafarroako Lapurdiko eta Baxenafarroako saltzaileak etortzen dira eta mota guztietako produktuak saltzen dituzte: Gozoak, sagardoa, txakolia, barazkiak, fruitak, pateak,etab....Onarpen ona izaten du eta jende asko etortzen da ikustera. 

Elkarteak Udalarekin batera sariak banatzen ditu hobekien prestatutako standen artean: Lehenengo saria: 30.000 pta. eta eskultura bat. Bigarren saria: 15.000 pta. eta hirugarren saria: 10.000 pta.

AISIALDIKO IHARDUERAK

1982tik aurrera Elkartearen Mus Txapelketa ospatzen da, horrela beste elkarteen artean antolatutako txapelketetan parte hartzeko eta etxeko "hoberena" nor den ikusteko eta "ohore" hori izateko.

ELKARTEEN ARTEKO MUS TXAPELKETA:

Elkartearen 1. Mus txapelketa antolatu zen urte berean egin zen elkarteen arteko 1. Mus txapelketa, bertan herriko elkarte guztiak parte hartu zutelarik (Behar-Zana, Uxo-Toki, Zunbeltz eta Irrintzi). Gerora ondoko herritik, Zizurkiltik, beste elkarte batek ere parte hartzen du, Urkamendi Elkarteak hain zuzen ere. Gure Elkartearen izena askotan azaltzen da irabazle bezala.

MUS TXAPELKETA AZKARRA:

Elkarteko obrak ordaintzeko diru beharraren ondorioz sortu zen eta piskanaka garrantzitsua egiten ari da joku hau gustokoa dutenentzat. Orain arte bi aldiz egin da eta sari onak banatzeaz gain, probintziako puntu desberdinetatik jende asko etortzen dela esan behar da.

FESTAK:

Elkartea gaztea denez, herriko festen antolaketan parte hartu izan dugu beste elkarte eta udalarekin batera. Ekintza desberdinak antolatu izan dira: danborrada, konpartsa desberdinak (eskopeteroak, erroskilaren ehorzketa, etab.)

SUKALDARITZAKO IKASTAROAK:

ELKARTEKO BAZKARIAK ETA AFARAIAK:

Urtean zehar eta egun esanguratsuetan afari desberdin eta barrikoteak antolatzen dira. Elkarteko festa egunean egiten den afarira ezik, beste afari hauetara elkarteko sinpatizanteak ere etor litezke.

ISATS-GISATUAREN LEHIAKETA:

Lehiaketa hau elkarteen artekoa da, eta bertan herrikoak ezik, Amasa, Zizurkil eta Asteasuko elkarteek parte hartzen dute, hau da, Behar-Zana Elkartea, Uxo-Toki Elkartea, Zunbeltz Elkartea, Urkamendi Elkartea, Aitzondo Elkartea eta Irrintzi Elkartea. Epaimahaian ospe handiko sukaldariak eta gastronomian kritikoak direnak egoten dira, eta hauek, parte hartzen duten sukaldarien prestaketa altua azpimarratzen dute. Lau edizioetako palmaresa ondorengoa izan da: 1995ean: Irrintzi Elkartea. 1996an: Uxo-toki Elkartea. 1997an: Urkamendi Elkartea. 1998an: Aitzondo Elkartea. Saria, IRRINTZIko sinboloa duen eskultura bat izaten da, Tomas Ugartemendia eskultore handiak egina eta LACOR etxeko eltze lote bat.

ELKARTEAREN EGUNA

GARAGARDOAREN AZOKA

Elkartearen filosofiarekin jarraituta, aurten Kilometroak 98an (EUSKARAren aldeko festa) laguntzaile izan ginen Intxaurrondo Gastronomia Elkartearekin batera garagardo azoka bat antolatzen, Tolosaldeako Ikastolen alde dirua jasotzeko helburuarekin.